الصفحة الرئيسية › أخبار وطنية

أخبار وطنية الإعلامية نزيهة رجيبة توجّه هذه الرسالة الى المرزوقي

إعتبرت الإعلامية نزيهة رجيبة أنّ حزب نداء تونس إستفاد من أخطاء المرزوقي وتقصيره وانزلاقاته وخاصّة من انسياقه اللّامشروط للنّهضة طمعا في مساندتها. ودعت رجيبة المرزوقي الى تقبل النّتائج برغم الفوضى والانفلات الاعلامي في الاعلان عليها، وكتبت ما يلي:  

"نعرف عندي برشه أصدقاء من أنصار المرزوقي قعدو أصدقائي رغم معرفتهم بموقفي السّلبي من مرشّحهم و أنا نشكرهم ونقدّرهم على هذا التّسامح. توّه نحبّ نستسمحهم في ابداء هذا الرّأي القاسي (و الحقيقة ديما قاسية ):
يقول القايل منين جا هالتّصويت لرجل قارب التّسعين حزبو عمرو عامين وفيه على كل لون يا كريمة ؟؟

ها التّصويت الكلّ (اينعم الكلّ ) جاء من أخطاء المرزوقي و تقصيرو وانزلاقاتو وخاصّة من انسياقو اللّامشروط للنّهضة طمعا في مساندتها... أخطاء تلقّفها الطّرف المقابل ونشرها اعلامو ووصل بيها للّي صار اليوم وانا قبل اكثر من عامين كلّمتو بصدق ونبّهتو لهذا لكن ما سمعنيش وغضب منّي وهاجموني جماعتو..

يقول القايل: اللّي تضربو ايدو ما توجعوش.. وتوّه ما عليه كان يسلّم ويقبل بالنّتائج برغم الفوضى والانفلات الاعلامي في الاعلان عليها في غياب دراماتيكي لموقف صارم من " الايزي".. غدوه نهار جديد.. تتنتظرنا فيه مهامّ جديدة... ان شاء الله ما تكونش صعيبة كيما نتوقعها".